Por que nos chamamos Alune
Hai nomes que simplemente soan ben e outros que, co tempo, rematan representando todo o que hai detrás dunha marca. Para nós, Alune é precisamente iso.
Cando empezamos a darlle forma a este proxecto buscabamos un nome sinxelo, diferente e fácil de lembrar, pero que tamén tivese unha conexión con aquilo que queríamos crear. De aí naceu Alune, inspirado na lúa e na natureza, dous elementos que estiveron presentes desde o principio e que tamén deron forma á nosa identidade visual.
A lúa aparece no noso logotipo rodeada de formas orgánicas que lembran a follas, pólas e flores. Non queríamos que fose unicamente un símbolo bonito, senón unha maneira de representar unha marca vinculada ao natural, ás cousas sinxelas e a unha forma máis consciente de facer as cousas.
O que Alune representa para nós
Co tempo, Alune foi crecendo, pero hai algo que quixemos manter desde o primeiro día: facer as cousas con sentido.
Empezamos creando velas e produtos aromáticos de forma artesanal, elixindo coidadosamente cada materia prima e buscando alternativas que encaixasen coa nosa maneira de entender a marca. Traballamos con cera de soia 100 % vexetal, fragrancias seleccionadas e materiais pensados para ofrecer produtos de calidade coidando tamén aquilo que os rodea.
Esa mesma filosofía está presente nas nosas decisións do día a día. Sempre que é posible, apostamos por provedores locais e de proximidade, materiais reciclables ou reutilizables e un embalaxe biodegradable e libre de plástico.
Porque para nós a sustentabilidade non consiste en facelo todo perfecto, senón en intentar tomar mellores decisións alí onde podemos.
Moito máis que velas
Alune comezou arredor dunha vela, pero nunca quixemos quedarnos unicamente aí.
Pouco a pouco foron chegando novos aromas, produtos para o fogar, xabóns artesanais, cosmética natural e pequenos obxectos pensados para gozar un pouco máis do cotián. Algúns elaborámolos nós e outros seleccionámolos entre marcas e pequenos produtores que comparten a nosa forma de entender as cousas.
Por iso, hoxe Alune representa unha maneira de elixir: produtos bonitos e funcionais, ingredientes e materiais coidadosamente seleccionados e unha aposta por alternativas máis naturais e responsables.
O noso nome segue lembrándonos de onde vimos, pero tamén cara a onde queremos seguir crecendo.
Iso é Alune. Unha marca que empezou cunha idea sinxela e que seguimos construíndo cada día, intentando que aquilo que facemos sexa coherente con aquilo no que cremos.
Grazas por acompañarnos neste camiño e por facer que Alune tamén poida formar parte do voso.